Rauður og ráfandi
Roðamaur heitir réttu nafni veggjamítill (Bryobia praetiosa) og tilheyrir áttfætlum (Arachnida) en til þeirra heyra t.d. köngulær og sporðdrekar. Þrátt fyrir nafnið er hann ekki skyldur maurum, heldur er um að ræða mítil með átta fætur. Hann er smár, rauðleitur að lit og sést gjarnan skríða á steyptum veggjum, svalagólfum og húsveggjum, sérstaklega í sól og hita.
Dvalarstaðir og ummerki
Roðamaurar halda til utandyra á gróðri og stígum en geta leitað inn í hús til að hafa hamskipti eða verpa eggjum. Þeir sjást oft í stórum hópum og skilja eftir sig rauðleit för þegar þeir eru kramdir. Þeir valda ekki bitum eða heilsutjóni en geta verið hvimleiðir gestir á heimilum, einkum þegar þeir safnast saman á gluggakistum og gólfum, en algengast er að þeir leiti inn um glugga kjallaraíbúða eða annarra glugga sem standa lágt yfir jarðvegsyfirborði.
Lífshættir og áhrif
Roðamaurar nærast á plöntum með því að sjúga safann úr laufum og gróðri. Þótt þeir valdi sjaldnast miklu tjóni á grasflötum eða görðum geta þeir skemmt einstaka plöntur og valdið aflitun á blöðum. Í húsum eru þeir hins vegar meinlausir, en nærvera þeirra getur skapað óþægindi og aukið þrifaálag.
Forvarnir
Forvarnir snúast fyrst og fremst um að draga úr aðgengi þeirra að húsinu:
• Loka sprungum við glugga, hurðir og húsgrunn.
• Halda gróðri og runnum frá húsveggjum.
• Hafa glugga og hurðir lokaðar.
• Sópa og ryksuga reglulega þar sem þeir safnast saman.
Hvað gerir Ókindin?
Ef roðamaurar hafa náð sér fótfestu og ónæðið verður viðvarandi er ráð að leita til sérfræðings. Stefán Gaukur Rafnsson hjá Ókindinni metur aðstæður og beitir öruggum aðferðum sem:
• Minnka ágang bæði innan- og utanhúss.
• Eru öruggar fyrir börn og gæludýr eftir meðferð.
• Veita langvarandi vörn gegn endurkomu.
Með markvissum aðgerðum má halda þessum rauðleitu, óboðnu gestum í skefjum og tryggja að þeir valdi ekki ónæði og ama.