Tvíeyki sem enginn vill fá í heimsókn
Starinn (Sturnus vulgaris) er algengur fugl á Íslandi sem leitar gjarnan í nábýli við manninn. Hann nýtir sér holrými í mannvirkjum, einkum undir þakskeggjum, á bak við klæðningar og á öðrum sambærilegum stöðum til að gera sér hreiður á vorin. Starinn þarf ekki nema um 4 cm op til að troða sér inn í álitlegt hreiðurstæði og getur því auðveldlega komist að ef frágangur er ófullnægjandi. Þótt fuglinn sé friðaður og líflegur vorboði fylgir hreiðurgerð hans í húsum óhjákvæmilega aukin hætta á óþægindum af völdum staraflóar (Ceratophyllus gallinae), agnarlítils skordýrs sem er um 1,5–2,5 mm að lengd.
Starafló og lífshættir hennar
Starafló nærist á blóði og lifir aðallega á fuglum, sérstaklega í hreiðrum stara og maríuerlu. Hún heldur sig í hreiðrunum þar sem hún verpir og lifir sem lirfa í úrgangi fugla og öðru lífrænu efni sem safnast fyrir. Fullorðnar flær skríða fram á vorin og bíða þar sem fuglarnir koma í hreiðrið. Ef stari snýr aftur ríkir oft nokkur friður, en ef hann hverfur, hreiðrið er fjarlægt of snemma eða lokað fyrir aðgengi að hreiðurhrauk vakna flærnar svangar og leita sér nýrra blóðgjafa. Þá rata þær gjarnan inn í hús þar sem þær geta bitið menn og gæludýr.
Óþægindi og áhrif
Þótt starafló nái ekki að fjölga sér í íbúðarhúsum getur nærvera hennar valdið miklum óþægindum. Bitin eru sársaukafull, valda kláða og stundum bólgum. Flærnar skríða gjarnan upp í fatnað, bíta húðina undir skálmum, beltum eða upp í rúmum, og geta þannig orðið viðvarandi vandi yfir sumarmánuðina.
Forvarnir
• Tryggja þarf góðan frágang við þök og veggi svo fuglar komist ekki að.
• Fjarlægja hreiður á hausti eða vetri þegar ný kynslóð flóarinnar er í dvala.
• Hreinsa skal upp öll hreiðurefni og, ef þörf krefur, meðhöndla svæðið með viðeigandi efnum.
• Takmarka aðgang gæludýra að svæðum þar sem flær gætu verið til staðar.
Hvað gerir Ókindin?
Ókindin sérhæfir sig í að leysa vandamál sem tengjast starahreiðrum og starafló:
• Fjarlægir hreiður á öruggan og löglegan hátt.
• Ráðleggur um varanlegar endurbætur á frágangi húsa.
• Beitir réttum varnarefnum til að draga úr og fyrirbyggja ágang flóa.
Með réttri nálgun er hægt að tryggja frið í híbýlum og koma í veg fyrir að þessir óboðnu förunautar stara geri sig heimakomna með tilheyrandi ónotum og vandræðum.